वांग्याचे भरीत मराठी रेसिपी Vangyache Bharit Recipe in Marathi वांग्याचे भरीत आणि पुरी म्हटलं की तोंडाला पाणी सुटते. कारण चटपटीनत वांग्याचे भरीत तसेच त्यासोबत पुरी असली म्हणजे खाण्याची मजाच वेगळी असते. दररोजच्या जेवणामध्ये सततच्या भाज्या खाऊन आपल्याला कंटाळा येत असतो, त्यामुळे काही नवीन विशेष पदार्थ तयार करून खावा असा वाटतो. तर आम्ही तुमच्याकरता चटपटीत खमंग असे वांग्याचे भरीत रेसिपी घेऊन आलो आहोत. ही रेसिपी करण्यासाठी अत्यंत सोपी व कमी वेळात होते तसेच रेसिपी तयार करण्यासाठी दुसरे कोणत्या वस्तू विकत आणाव्या लागत नाहीत. सर्व घरांमध्येच उपलब्ध असणारे साहित्य असते. तर चला मग बघूया रेसिपी विषयी सविस्तर माहिती.
वांग्याचे भरीत मराठी रेसिपी Vangyache Bharit Recipe in Marathi
रेसिपी प्रकार :
वांग्याची भरीत रेसिपी बनवण्याच्या वेगवेगळ्या पद्धती आहेत. वांग्याचे भरीत वेगवेगळ्या प्रकारच्या वांग्यांपासून देखील तयार करता येते. तसेच त्यांची चवही तेवढीच खमंग व चटपटीत लागते. वांग्याचे भरीत करण्याची पद्धत म्हणजे खानदेशी भरीत, पंजाबी स्टाईल भरीत, मसाला भरीत, टोमॅटो भरीत, भरली वांगी, मसाला वांगी, ठेचा भरीत अशा वेगवेगळ्या पद्धतीने वांग्याचे भरीत रेसिपी तयार केली जाते. वांग्याचे भरीत ही रेसिपी खाण्यासाठी अत्यंत चटपटीत व खमंग लागते तसेच त्यामध्ये कांद्याची पात किंवा कांदा टाकून त्याची आणखीन चव वाढवली जाते. तर चला मग पाहूया या रेसिपीसाठी लागणारे साहित्य व पाककृती.
ही रेसिपी किती व्यक्तींकरता तयार होणार आहे?
ही रेसिपी आपण दोन व्यक्तींसाठी तयार करणार आहोत.
पूर्व तयारी करता लागणारा वेळ :
या रेसिपीच्या पूर्वतयारी करता आपल्याला 5 मिनिटे एवढा वेळ लागतो.
कुकिंग टाईम :
रेसिपी कटिंग करण्याकरता आपल्याला 10 मिनिटे एवढा वेळ लागतो.
टोटल टाईम :
वांग्याचे भरीत रेसिपी पूर्ण करण्यासाठी आपल्याला एकूण वेळ हा 15 मिनिटे लागतो.
वांग्याचे भरीत तयार करण्यासाठी लागणारे साहित्य :
1) एक मोठे वांगे
2) एक वाटी बारीक चिरलेला कांदा
3) हिरवी मिरची व लसूण पेस्ट एक चमचा
4) तीन चमचे भाजलेले शेंगदाणे पावडर
5) एक चमचा गरम मसाला
6) चवीनुसार मीठ
7) एक चमचा गरम मसाला
8) एक चमचा धने पावडर
9) कढीपत्ता
10) एक चमचा जिरे
11) एक चमचा मोहरी
12) पाव चमचा हळद
13) बारीक चिरलेली कोथिंबीर
14) दोन चमचे तेल
वांग्याचे भरीत तयार करण्याची पाककृती :
- सर्वप्रथम ज्या वांग्याचे भरीत करायचे आहेत, ते स्वच्छ धुऊन घ्या. नंतर चाकूच्या मदतीने त्याला छिद्र पाडून घ्या. व त्या वांग्याला थोडेसे तेल लावून घ्या. त्यामुळे त्याची साली काढण्यासाठी सोपी जाते.
- नंतर हे भरीत गॅस वरती किंवा चुलीमध्ये भाजून घ्या.
भरीत भाजत असताना, चारही बाजूने छान भाजले गेले किंवा नाही हे तपासून घ्या. वांगे गॅसवर थोडे उभे नंतर आडवे अशा प्रकारे आपल्याला भाजून घ्यायचा आहे. - दोन ते तीन मिनिटं वांग भाजून घ्या व फिरवत रहा. हे वांग थोडं थंड झालं की, त्याची पूर्ण साल सोलून घ्या.
- नंतर चाकू नये छान मॅश करून घ्या. व एका कढाई मध्ये तेल गरम करण्यासाठी गॅसवर ठेवा.
- तेल गरम झाले की, त्यामध्ये मोहरी घाला. मोहरी छान तडतडू द्या.
- मोहरी तडतडली की, त्यामध्ये जिरे टाका आणि कढीपत्ता तसेच कांदा घाला.
- तसेच हे मिश्रण छान सोनेरी रंग येईपर्यंत परतून घ्या नंतर त्यामध्ये हिरव्या मिरचीची पेस्ट गरम मसाला लसूण धणेपूड पावडर व हळद घाला.
- गरम मसाल्याऐवजी तुम्ही गोडा मसाला देखील वापरू शकता किंवा कांदा लसूण मसाला देखील वापरू शकता.
- हे मिश्रण दोन ते तीन मिनिटे छान परतून घ्या. नंतर त्यामध्ये मॅच केलेली वांग्याची भरीत नीट ढवळून घ्या. भाजलेले शेंगदाणे पूड आणि चवीनुसार मीठ घालून चांगले चार ते पाच मिनिटे शिजवून घ्या
- नंतर गॅस बंद करा व वरून कोथिंबीर घाला. अशाप्रकारे वांग्याचे भरीत तयार आहे.
- वांग्याची भरीत ज्वारी, बाजरी, तांदूळ, पुरी त्यांच्यासोबत छान लागते तुम्ही हे भरीत रेसिपी तयार करून बघा व आम्हाला नक्की कळवा.
पोषक घटक :
वांग्यामध्ये खनिजे जीवनसत्त्वे आणि बरेच पोषक घटक आढळतात जे आपल्या शरीरासाठी आवश्यक असतात. त्यामध्ये विटामिन के, व्हिटॅमिन सी, विटामिन बी 6, थायमिन, नियासीन, मॅग्नेशियम, तांबे, फॉस्फरस, पोटॅशियम, फायबर आणि मॅग्नीज इत्यादी घटक आढळतात तसेच कोलेस्ट्रॉल देखील आढळते.
फायदे :
वांगी किंवा वांग्याची भरीत खाणे आपल्या शरीरासाठी पोषक असते, वांग्यामध्ये बरेच पोषक घटक असतात जे आपल्या शरीरासाठी आवश्यक असतात.
वांग्याचे नियमित सेवन केल्यामुळे रोगप्रतिकारक क्षमता वाढते तसेच कर्क रोगापासून बचाव होतो.
वांगी चुलीवर भाजून खाल्ल्यामुळे खोकला बरा होण्यास मदत होते तसेच कफ बाहेर पडतो.
वांग्याचे भरीत खाल्ल्यामुळे पोट भरल्यासारखे वाटते व भूक शांत होते.
तोटे :
वांगी खाने ज्याप्रमाणे पोषक तसेच शरीरासाठी आवश्यक आहे तसेच ते कधी कधी आपल्याला हानिकारक देखील ठरू शकतात. कारण पोटाशी संबंधित कोणत्याही प्रकारची तुम्हाला जर समस्या असेल तर वांगी खाणे टाळावे.
कारण यामुळे आपल्याला पोट दुखी, गॅसेस, अपचन व उलट्या अशा प्रकारच्या समस्या उद्भवू शकतात.
तुम्हाला जर कोणत्याही प्रकारची एलर्जी किंवा डोळ्यांचा त्रास असेल तर तुम्ही वांगी खाणे टाळावी. यामुळे तुमचा त्रास आणखीन वाढू शकतो.
तर मित्रांनो, तुम्हाला वांग्याचे भरीत हे रेसिपी कशी वाटली, ते आम्हाला कमेंट करून नक्की सांगा व इतरांनाही शेअर करा.
