नमस्कार मित्रांनो आता सरकार शेतकऱ्यांना गाय-म्हैस ठेवण्यासाठी गोठा बांधायला आर्थिक मदत देणार आहे. ज्या शेतकऱ्यांकडे गाय, म्हैस किंवा शेळ्या आहेत, त्यांना आपल्या जनावरांसाठी मजबूत व स्वच्छ गोठा उभारण्यासाठी सरकारकडून अनुदान मिळणार आहे.
सरकार नेमकं काय करणार आहे?
गाय, म्हैस व शेळ्यांसारख्या दुधाळ जनावरांना पावसाळा, थंडी किंवा उन्हापासून संरक्षण मिळावं यासाठी सुरक्षित गोठा आवश्यक असतो. यासाठी सरकार प्रत्येक शेतकऱ्याला ७७,१८८ रुपयांचं अनुदान देणार आहे. या रकमेच्या मदतीने शेतकरी चांगल्या प्रतीचा गोठा बांधू शकतील, ज्यामुळे जनावरे आजारी पडणार नाहीत आणि दूध उत्पादनात वाढ होईल.
योजना कोण राबवते?
ही योजना शरद पवार ग्राम समृद्धी योजना या नावाने चालवली जाते. याआधीही अनेक शेतकऱ्यांनी या योजनेचा लाभ घेतला आहे.
योजना मिळवण्यासाठी काय करावं लागेल?
सरकारी मदतीसाठी अर्ज करण्याची प्रक्रिया खालीलप्रमाणे आहे.
- गावातील ग्रामपंचायतीमध्ये अर्ज सादर करा.
- ग्रामसेवक तो अर्ज पंचायत समितीकडे पाठवेल.
- **पंचायत समिती अर्ज जिल्हा परिषदेकडे पाठवेल.
- अर्ज मंजूर झाल्यानंतर शेतकऱ्यांना अनुदानाची रक्कम प्राप्त होईल. अर्जासाठी आवश्यक कागदपत्रे
1) आधार कार्ड
2) उत्पन्नाचा दाखला
3) रहिवासी दाखला
4) बँक पासबुकची झेरॉक्स
5) ग्रामपंचायतीचं शिफारस पत्र
6) प्रस्ताव व गोठा बांधणीसाठी खर्चाचा अंदाजपत्रक
गोठा का आवश्यक आहे?
उघड्यावर राहणाऱ्या जनावरांना ताप, सर्दी, खोकला असे आजार होण्याची शक्यता अधिक असते. काही वेळा गंभीर आजारांमुळे जनावरे मृत्युमुखी देखील पडतात, ज्यामुळे शेतकऱ्यांचं मोठं नुकसान होतं. मजबूत गोठा असल्याने जनावरांचे आरोग्य टिकते आणि दूध उत्पादनात वाढ होते.
जर तुमच्याकडे गाय, म्हैस किंवा इतर दुधाळ जनावरे असतील, तर सरकारच्या या योजनेचा अवश्य लाभ घ्या. यामुळे तुमचे आर्थिक बचत होईल आणि दूध व्यवसाय अधिक यशस्वीपणे चालवता येईल.
