मंडळी भारताची आघाडीची टेलिकॉम कंपनी म्हणून जिओचे नाव अग्रस्थानी आहे. सुमारे 46 कोटी ग्राहकांच्या विश्वासाने बळकट झालेली ही कंपनी लवकरच 50 कोटी ग्राहकांच्या टप्प्याकडे वाटचाल करत आहे. देशभरातील कोट्यवधी मोबाईल वापरकर्त्यांच्या विविध गरजांनुसार जिओकडून अनेक रिचार्ज प्लॅन्स सादर करण्यात आले आहेत — काही स्वस्त, तर काही प्रीमियम प्रकारात.
स्वस्तात दीर्घ व्हॅलिडिटी हवीये? मग हा प्लॅन लक्षात ठेवा!
जिओने आपल्या ग्राहकांच्या सोयीसाठी रिचार्ज प्लॅनचे वर्गीकरण केले आहे, जेणेकरून कोणताही प्लॅन निवडताना गोंधळ होऊ नये. ज्या ग्राहकांना स्वस्त आणि दीर्घकालीन वैधता असलेला प्लॅन हवा आहे, त्यांच्या साठी जिओने एक खास पर्याय आणला आहे.
फक्त 895 रुपयांत 11 महिने रिचार्जची झंझट नाही
जिओचा हा विशेष रिचार्ज प्लॅन फक्त 895 रुपयांमध्ये उपलब्ध असून तो 336 दिवसांची (सुमारे 11 महिने) व्हॅलिडिटी देतो. या प्लॅनमध्ये ग्राहकांना अनलिमिटेड कॉलिंगची सुविधा मिळते — तीही सर्व नेटवर्कवर.
डेटा आणि एसएमएसची सुविधा देखील
या प्लॅनमध्ये एकूण 24GB हाय स्पीड डेटा मिळतो. म्हणजे दर महिन्याला साधारणपणे 2GB डेटा वापरता येतो. ही मर्यादा पार केल्यानंतर इंटरनेट स्पीड 64kbps इतकी होते. याशिवाय ग्राहकांना प्रत्येक 28 दिवसांसाठी 50 फ्री एसएमएसही मिळतात.
एक अटीशर्त फक्त जिओ फोनसाठी उपलब्ध
तुम्हाला हा प्लॅन घेऊन फायदा घ्यायचा असेल, तर एक गोष्ट लक्षात ठेवावी लागेल — हा प्लॅन फक्त जिओ फोन वापरकर्त्यांसाठीच उपलब्ध आहे. जर तुमच्याकडे स्मार्टफोन असेल, तर तुम्हाला दुसरे प्लॅन निवडावे लागतील. जिओ आपल्या ग्राहकांना जिओ टीव्ही आणि जिओ एआय क्लाउडसारख्या सुविधाही पुरवत आहे, जे त्याच्या प्लॅन्सना अधिक फायदेशीर बनवतात.
